बेलडाँडी गाउँपालिका स्वास्थ्य शाखा द्वारा सञ्चालनमा रहेको दिव्य गर्भ सस्कार तथा ACASH कार्यक्रमहरुलार्इ पाठ्यपुस्तकको रुपमा तयार पारी पुर्ण सस्थागत सुत्केरी तथा पुर्ण खोप यूक्तथ गाउँपालिका निरन्तरता तथा दिगोपन घोषणा समारोहका बिच हिजो मिति २०७६/०३/३० गतेका दिन गाउँपालिका अध्यक्ष श्री धन बहादुर थापा क्षेत्री ज्यू द्वारा बिमोचन गरिएको छ । वर्तमान समयमा जनस्वास्थ्यको प्रमुख समुस्याको रुपमा रहेको मानसिक , भावनात्मक , सामाजिक तथा आध्यात्मिक स्वास्थ्य प्रवर्धनको विषयमा केन्द्रित रही गर्भवती/सुत्केरी महिला र किशोर किशोरीको सर्वाङ्गिण स्वास्थ्यमा टेवा पुग्ने गरी विषय बस्तु समावेश गरिएको कुरा लेखक एवं स्वास्थ्य संयोजक श्री डम्बर सिंह खत्रीले जानकारी गराउनु भयो । उक्त पुस्तकहरु माथी शिक्षा शाखा प्रमुख श्री भानुभक्त जोशीले टिप्पणी राख्दै उक्त पुस्तकहरु नव यूवाहरु, शिक्षक, स्वास्थ्यकर्मीहरुका लागी सन्दर्भ सामाग्रीको रुपमा उपयोगी हुनेकुरा बताउनु भयो । उक्त पुस्तकहरु सु.प. प्रदेश भित्रका सबै पालिकाहरु , स्वास्थ्य कार्यालयहरु र कञ्चनपुर जिल्ला भरीका सबै स्वास्थ्य सस्थाहरुलार्इ उपहार स्वरुप पठार्इने छ ।